Om Swastiastu,
Ring rahinané mangkin, Buda Paing Uye, 04 Fébruari 2026 ring galah 16.00 wita sampun kalaksanayang Festival Budaya Bali sané mapaiketan ring Parikrama Bulan Bahasa Desa Sidakarya Warsa 2026 sané magenah ring Wantilan Pura Dalem Sudha Desa Sidakarya. Wénten makudang-kudang wimbakara sané kalaksanayang minakadi, Wimbakara Nyurat Aksara Bali sané kamiletin olih 30 diri pamilet, Wimbakara Cerdas Cermat sané kamiletin olih 9 regu pamilet, Wimbakara Karaoke Paud sané kamiletin olih 14 diri pamilet. Sane nyarengin parikrama puniki ini pinaka pamucuk inggih punika Perbekel Desa Sidakarya, kasarengin BPD Desa Sidakarya, Ketua TP. PKK Desa Sidakarya, makasami Nayaka Praja Desa Sidakarya kasarengin staf. Sané dados tim panuréksa inggih punika Tim Penyuluh Bahasa Bali Kecamatan Denpasar Selatan.