Rahina Soma tanggal 05 Februari 2024 galah 16.00 wita Pemerintah Desa Sidakarya Ngelaksanayang Pelatihan Pestarian Budaya Bali mapaiketan ring Bulan Bahasa Bali Desa Sidakarya warsa Kalih Tali Petang Likur magenah ring Ruang Pertemuan Lantai Perbekel Desa Sidakarya. 

Pelatihan Pestarian Budaya Bali Desa Sidakarya ring warsa puniki. Makasami parikramane punika kadasarin antuk :

Peraturan Gubernur Nomor 80 (Wulung Dasa) Warsa 2018 (Kalih Tali Plakutus) sane ngeninin indik Perlindungan dan Penggunaan bahasa, aksara miwah sastra bali kenten taler ngeninin indik penyelenggaraan bulan bahasa bali

Ri sampune kalaksanayang parikrama pelatihan pelestarian budaya Bali mapaiketan ring Bulan Bahasa Bali Desa Sidakarya 2024 punika kalanturang antuk acara lomba sane pacang kamargiang ring tanggal 10 Februari 2024. Soang-soang dusun sampun ngemiletin parikrama puniki antuk micayang pamilet sane pacang nyarengin pelatihan ring rahinane mangkin, inggih punika pelatihan nyurat aksara wenten 24 diri, ngwacen lontar wenten 5 diri, miwah masatua Bali wenten 6 diri. 

Wit Prabeya miwah Pembiayaan Festival Budaya Bali Desa Sidakarya puniki saking APBDes Desa Sidakarya warsa 2024 (kalih tali petang likur)

Tatujon festival bulan bahasa baline puniki nenten je tios wantah nincapang, nglestariang, miwah nglimbakang Basa Baline sane madue nilai-nilai adi luhung ring para jana Bali utaminipun ring Krama Desa Sidakarya.

Acara Puniki Kerauhin olih Perbekel Desa Sidakarya, BPD Desa Sidakarya, Perangkat Desa, Staf Desa, Jero Bendesa Desa Adat Sidakarya, Ketua TP. PKK Desa Sidakarya, peserta saking wewidangan desa sidakarya miwah Narasumber saking Penyuluh Bahasa Bali ring Kecamatan Denpasar Selatan.